Արագած Ախոյանի՝ դատավճռով սահմանված ժամկետը ավելի կարճ է, քան նա անցկացրել է կալանքի տակ
Երևանի ընդհանուր իրավասությունների դատարանը ԱԺ նախկին պատգամավոր Արագած Ախոյանին մեղավոր է ճանաչել և դտապարտել երկու ամիս ազատազրկման։ Բայց քանի որ Արագած Ախոյանը երեք ամիս գտնվել է կալանքի տակ, նրան ազատ են արձակել դատարանի դահլիճից։
Հիշեցնենք, որ Արագած Ախոյանը կալանավորվել էր 2023 թ. նոյեմբերի 7-ին՝ 2023 թ. հունիսի 8-ին «Ֆեյսբուք» սոցիալական ցանցի իր էջում հրապարակած գրառման համար, որում, ըստ ՔԿ-ի, հնչեցրել է բռնություն գործադրելու հրապարակային կոչեր։
Նախկին պատգամավորի փաստաբանը տեղեկացրել է, որ վերաքննիչ դատարան բողոք են ներկայացնելու։
