Ինչո՞ւ են ՀՀ–ում տեղակայվելու ԵՄ և ոչ ՀԱՊԿ դիտորդները. Փաշինյանի պարզաբանումը
Մենք ՀԱՊԿ-ից խնդրել ենք ամենակարևոր սկզբունքային մի բան` ճշգրտել ՀԱՊԿ պատասխանատվության գոտին ՀՀ–ում, այսինքն մեզ ասել, թե որն է Հայաստանի Հանրապետությունը։ Այս հարցի պատասխանը մենք հստակ չենք ստացել։
Այդ հարցն առաջացել էր այն պահից, երբ Ադրբեջանն օկուպացրեց Հայաստանի Հանրապետության տարածքներ և, եթե որևէ առաքելություն չգիտի, թե որն է ՀՀ տարածքը, ապա ինչպես պետք է դիտարկում անցկացնեն։ԵՄ քաղաքացիական առաքելության գործուղումը հնարավոր է դարձել, քանի որ Պրահայում տեղի ունեցած քառակողմ հանդիպման արդյունքում ԵՄ–ն հստակ գծագրել է Հայաստանի և Ադրբեջանի մասնակցությամբ և համաձայնությամբ, թե որն է Հայաստանի Հանրապետությունը։
